出爐啦，千層肉醬闊條麵，而家先食中午！做法好簡單，就係炒好肉碎，舖好，放焗爐焗就得！
肉醬我用左豬梅頭，將豬肉剁碎，洋蔥切碎，蒜頭剁成蓉，起油鑊炒香蒜蓉同洋蔥，炒到洋蔥變色就落肉碎，炒2野就落豉油、去皮蕃茄罐頭（要將茄肉切碎）、胡椒粉、鹽、糖、羅勒葉，再加少少水炒熟（我落多左水，所以用生粉打返個茨😅）
係烤盤上舖1層肉碎，1層薄薄芝士碎，舖1層闊條麵（超市有得賣，要留意有d係要預先淥下，我用個隻係直接放焗爐就ok）重覆舖4層，最上面個層係肉醬，之後再落1層厚d ge芝士碎係面（中間層夾心個d芝士唔洗放太多，會好漏！），用錫紙封好烤盤，預熱180度焗爐，用180焗30分鐘，之後撕走錫紙，用200度7分鐘，完成。
Search